موسوعة النكت التي سوف تزلزل المنتدى صنع جزائري

قالك زوج تزوجوا جابوا طفل ما عندوش يدين ،سماوه debardeur

-

قالك معلم بخيل كل يوم يشري 2 حبات بيض ياكلهم هو ومرتو ، واحد النهار قالها يا مرا راني طالع نسقم الباربول نتاعنا
اخرجي من الطاقة وقوليلي اذا كاين الصورة ولا مكاش،
كي طلع هو بدا يحرك في الحالة جا ريح طيحو وهو في السما رايح يطيح خزر في مرتو وقالها يا مرا طيبي حية برك ولخرى اتعشاي بيها

_

قالك جماعة حابسين يلعبوا في لوتوروت lautoroute تفاهموا اللي تقيسوا الطونوبيل زوج خطرات يخرج

-

واحد السراق دخل يسرق في دار نتع فقراء لقى غير ورقة التريسيتي راح خلصها

_



قالك واحد الضابط يسقسى في زوج جنود سقسى الاول واسموا محمد وشنو هاذي وشاف في الكلاش نتاعوا محمد قالوا هاذي كلاش قالوا الضابط هاذي مرتك وعرضك والشرف نتاعك
من بعد خزر في احمد وقالوا وشنو هاذي قالوا هاذي مرة محمد سيدي

_

قالك واحد زاطل قال لصاحبوا كاين حاجة وحدة في هذا الدنيا برك اللي راهي مدوختني قالوا صاحبوا وش هي قالوا الحمار الوحشي بيض ومخطط بالاسود ولا اسود ومخطط بالابيض

نتوما ثاني ضرك دوخو اذا كان بيض ولا اسود ههههههه

_

قالك واحد الميكانيسيان شرى سرير جديد رقد تحتوا

_

قالك واحد فاقد للذاكرة تثاوب نسى فمو مفتوح

بالكم تتثاوبو نتم ثاني !!!!



_


قالك واحد حلم الحمار نتاعوا قالوا روح تحت الشجرة تلقى 20 مليون اعطي 5 ملاين للقاضي وكي نموت ادفني مع العباد السيد كي ناض من المنام رح تحت الشجرة ولقى صح 20 مليون كي رجع للدار لقى الحمار ميت دار الوصية نتاعوا ودفنوا مع العباد الناس ما عجبهمش الحال وشكاو للقاضي والقاضي طماع كبير راح عيطلوا وقالوا وش هذي الخدمة السيد حكى للقاضي المنام وقالوا راه الحمار قالي مد للقاضي 5 ملاين القاضى ما امنش وش سمع وقالوا عاود وش قال المر حـــــــــــــــــــــــــــــــــــــــــــــــــ ــــــــــــــــــــــــــــــــــوم.

_

قالك وحدالامير كان عندو فيل هذاك الفيل فسد الزرع نتع الفلاحين ديما يفسد وهما ماقدرو يقولوا والوا للامير يخافوا منوا، واحد النهار جا واحد كوراج ما يخافش قالهم انا نهدر مع الامير بصح بشرط تروحوا معايا وكي نبدا نهدر انا لازم تهدروا معايا قالولوا خلاص تفاهمنا.
كي دخلوا للامير وقف هذاك الكوراج هو اللول والفلاحين موراه. قالوا ياسيدي الامير الفيل نتاعك وسكت يستننى في الناس يهدروا زاد عاود قالوا يا سيدي الامير الفيل نتاعك وسكت الناس ما حبوش يهدرو شاف معاه الامير وقالوا اهدر وش بيه الفيل نتاعي
قالوا يا سيدي الامير الفيل نتاعك لازمتلو فيلة

_

قالك جماعة حابسين راكبين في bus مول دار غنية نتع titanic الغاشي قع ارمى روحو من الطواقي حسبوا الbus راح يغرق

_

قالك واحد حياتوا كامل وهو ياكل في اللوبيا وكي يجي ياكل ما يقولش بسم الله الشيطان ياكل معاه واحد النهار جاء راح يبدا الماكلة خرجلوا الشيطان وقالوا يا صاحبي نتا قع ما تقولش بسم الله

_

قالك واحد يقرى في الجرنان ضربتو مرتو بمقلة قالها وش بيك قاتلوا لقيت ورقة في جيبك مكتوب فيها سوسو شكون هي قالها ربي يهديك سوسو اسم الحصان اللي نشجعوا صدقاتو وراحت سمانة من بعد عاودت ضرباتو بمقلة قالها يامرا يهديك ربي وش كاين قاتلوا الحصان نتاعك عيطلك في التيليفون

_

قالك الطبيب دخل لغرفة نتع مجانين لقى واحد يضرب في راسوا ببليغة سقسى الفرملية وش بيها قاتلوا هذا كان يحب وحدة ومتزوجهاش خرجو ودخاوا في غرفة وحد اخرى لقى واحد يخبط في راسوا على الحيط قالها وهذا وش بيها قاتلوا هذا اللي تزوج بالمرا اللي كان يحبها لخر

_

قالك واحد ادى معاها boxer نتع ميلفاي لواحد الدوار باش يبيعها النهار اللول ما فاتتش ساعة السلعة خلاصت قالك حاكمة غدوة رجع نهار كامل ما باع والوا فات عليه واحد وقالوا خويا الصابون نتع البارح ما يديرش الرغوة

_

قالك جماعة زاطلين قاعدين تحت باطيمة يتكيفوا خلاصلهم الزلميط باعثوا واحد يجيب دار على الباطيمة ورجع لصحابوا وقالهم ياجماعة ما عندكمش زالميط قالولوا اقعد رانا بعثنا واحد يجيب

hhhhhhhhhhhhhhhhhhhhhhhhhhhhhhhh mr6

ههههههههههههههههههههههههههههههههههههههههههه

ههههههههههههه

قالك جماعة حابسين راكبين في bus مول دار غنية نتع titanic الغاشي قع ارمى روحو من الطواقي حسبوا الbus راح يغرق