نكت تضحك

برغوتات*جوج برغوتات كانوا ف الحمام
وحدة قالت لصاحبتها: نمشيو على رجلينا أولا نشدو كلب؟

واحد السيد ديما كتعايرو مرتو: الناساع مشاو للطاليان، ونتا باقي هنا
هو يقول ليها: شوفي، أنا غادي نجلس فالدار واحد الشهر، واللي يسولك علي، ق‬ولي ليه مشى للطاليان
قالت ليه واخا
اللي يسولها كتق‬ول ليه راجلي مشا للطاليان
واحد النهار، سمع ولدو ضربو شي واحد ف الزنقة
هو يطل من الشرجم، وقال ليه: واخا عليك حتى نرجع من الطاليان ونوريك

أتاي أولا العشا
واحد المعلم عرض على صحابو يجيو عندو للدار
ملي جلسو شوية هدروا، قال ليهم: شنو نسبقو أتاي ولا العشا؟
قالوا ليه: العشا !
هو يقول ليهم: توكلنا على الله نوضو تصليو
دودات ف الحمام
هادو جوج دودات مشاو للحمام، وخرج ليهوم لوسخ بزاف
واحد الدودة قالت لصاحبتها: ناري ياختي، كون بقينا شويا كون دودنا
مدير شركة
المعلم طلب من التلاميد يكتبو إنشاء كل واحد يتخيل راسو مدير شركة.
كلشي بدا كيكتب إلا واحد، ربّع يديه وبدا كيتعنكر
جا عندو المعلم وسولو: علاش مكتكتبش؟
جاوبو التلميذ: كنتسنى السكرتيرة ديالي باش نملي عليها وهي تكتب
عرفتيني؟
واحد الموضف بغى يعيط للعساس يجيب ليه أتاي
وهو يغلط ف النمرة وصدق معيط على المدير ديالو
قال ليه: جيب ليا واحد أتاي للمكتب ديالي وطلق راسك أ الحمار
قال ليه المدير: واش عرفتي مع من كتهدر؟
قال ليه الموضف: لا
قال ليه المدير: أنا هو المدير أ الحيوان
قال ليه الموضف: ونتا عرفتي مع من كتهدر؟
قال ليه المدير: لا
قال ليه الموضف: إيوا الحمد لله
وهو يقطع
خاطب
واحد خايب بزاااااااااااااف بغى يخطب وطلبو منه صورته
عطاهم التصويرة وكتب عليها
وعسى أن تكرهوا شيئا وهو خير لكم
200 درهم جديدة
هادا واحد مكلخ كان غادي وهي تبان ليه 200 درهم جديييييدة طايحة فالأرض
شاف حتى ما بان ليه حتى واحد
وهو يهز ال 200 درهم جديدة وحط بلاصتها 200 درهم قديمة و مشى هرب يجري
الليمون والتفاح
واحد المكلخ سولوه: أشنو الفرق بين الليمون والتفاح؟
قال ليهم: الليمون اللون ديالو ليموني ولكن التفاح اللون ديالو ماشي تفاحي
Dire
واحد الاستاذ قال لواحد التلميذ: صرف
Verbe "Dire" au présent de l'indicatif
الولد ماعرفش الجواب وبقى ساكت
قال ليه الاستاذ: أنا نعاونك في الاولى، و انت كمل
Je dis
الدري تفتحو عينيه من الفرحة و بدا
Vendredi
Samedi
Dimanche

زيتون
هبيل سألوه : الزيتون فين كينوض؟
قال ليهم : كينوض في الكاشير
النملات
هادو ربعة د النملات كانوا غاديين ف الغابة، شوية وهو يبان ليهوم فيل
قالت ليهوم النملة اللولة: خاصنا نقتلوه، راه كيهددنا ف هاد الغابة
قالت النملة التانية: لا خاصنا نقطعو ليه رجليه الكبار
قالت النملة التالتة: أش بان ليكوم نلوحوه برا الغابة؟
قالت ليهوم النملة الرابعة: لا حشومة عليكوم، خليوه مسكين، حنا ربعة وهو غير واحد
كيري
الولد: بابا بغيت ناخد كيري
الأب: والله ماتاخد غير بنت عمك طامو
الولد: بابا راه كيري فرماج
الأب: حتى طامو راها زبدة
أش كتعرفو فالزين
لقى 4000 ريال
واحد المكلخ كان غادي ولقى 4000 ريال وهو يبدا كيفكر
غادي نعطي 1000 للوالد كايتسالها ليا
و1000 للوالدة كاتسالها ليا
و 2000 اللي كايسالني مول الحانوت
وهو يقول اش غادي يبقى ليا !!!
و الله لا هزيتها
حزام السلامة
قررت شرطة المرور تكافئ كل واحد داير حزام السلامة
لقاو واحد مبوق سايق طوموبيلتو وداير الحزام، وعطاوه 2000 درهم
وسولوه: أشنو غادي تدير بهاد الفلوس؟؟
قال ليهم: نزيد عليهم ونمشي ندوز بيهم لبيرمي
الكدوب
واحد كذاب بززززاف قال لواحد صاحبو:

أنا خلاقيت ملي كان قوس قزح بيض وكحل !!

وهو يرد عليه صاحبو حتى هو طيارة في الكدوب قال له:

انا تزاديت فــاش كان البحر الميت باقي مريض فالسبــيطار

هههههههههههههههههههههههههههههههههههههههههههههههههههه

التمييز عنوانك شكراااااااااااااااااااااااااااااااااااااااااااااااااااااااااااااااااااااااا

iiiiiiiiiiiiiiihhhhhhhhhhhhhh